חוגגים את ראש חודש כסלו

00:00 דובר 1 וואס דער סיפור איז געווען: דער ערשטער ראש חודש כסלו וואס מ'האט געפראוועט — דאס איז געווען א יאר שפעטער, תשל"ט. ל"ח מיין איך, ל"ח. דאס איז געווען ל"ח, דער ערשטער מאל וואס מ'האט געפראוועט ראש חודש כסלו אין 770. האט מען געבעטן ר' אברהם דריזין, ר' אברהם מאיר, ער זאל זאגן א פאר ווערטער. האט ער געזאגט, ער קען נישט רעדן לאנגע זאכן, נאר דערציילן א מעשה. וואס איז די מעשה? ער דערציילט אז דאס איז געווען דאס ערשטע יאר נאך דעם וואס דער אלטער רבי איז צוריקגעקומען פון פעטערבורג. דאס איז געווען תקנ"ט. און דערנאך איז תק"ס געווען דער ערשטער י"ט כסלו וואס מ'האט געפראוועט א מסיבה ביי חסידים אין ליאזנע, ביים אלטן רבי'ן. ס'זענען זיך צוזאמענגעקומען א גרויסער עולם, געזעסן ביי די טישן, און דער אלטער רבי אליין איז געגאנגען מיט א... אזוי דערציילט מען ביי חסידים; איך האב עס נישט געזען, אבער אזוי האט ער געזאגט. מיט א באטל משקה איז דער אלטער רבי דורכגעגאנגען ביי אלעמען און אנגעגאסן יעדן א גלעזל משקה און געזאגט: „עסט און טרינקט און זייט פריילעך, א גרויסער יום טוב איז דא געשען.“ און מיט די ווערטער האט זיך ר' אברהם מאיר אוועקגעזעצט. דאס איז געווען די דרשה: אז ס'איז געווען א גרויסער יום טוב און מ'דארף זיין צופרידן פון דעם יום טוב. לחיים, לחיים!

01:25 דובר 2 לחיים, לחיים!